திருச்செந்தூர் முருகன் கோயிலில் பக்தர்கள் அலைமோதல் – சஷ்டி மற்றும் ஞாயிற்றுக்கிழமையை முன்னிட்டு 6 மணி நேரம் காத்திருந்து தரிசனம்

திருச்செந்தூர்:
தூத்துக்குடி மாவட்டத்தில் உள்ள புகழ்பெற்ற அருள்மிகு சுப்பிரமணிய சுவாமி திருக்கோயிலில், ஞாயிற்றுக்கிழமையும் வளர்பிறை சஷ்டியும் ஒரே நாளில் அமைந்ததையொட்டி பல்லாயிரக்கணக்கான பக்தர்கள் சுவாமி தரிசனம் செய்ய திரண்டனர்.
அதிகாலை முதலே கோயில் வளாகம் மற்றும் தரிசனப் பாதைகளில் பக்தர்கள் நீண்ட வரிசையில் காத்திருந்தனர். கூட்ட நெரிசல் காரணமாக பலர் சுமார் 6 மணி நேரம் வரை காத்திருந்து சுவாமி தரிசனம் செய்தனர்.
பக்தர்களின் பாதுகாப்பையும் வசதியையும் கருத்தில் கொண்டு, கோயில் நிர்வாகம் கூடுதல் காவல் ஏற்பாடுகள், குடிநீர் வசதிகள் மற்றும் கூட்ட நெரிசலை கட்டுப்படுத்தும் சிறப்பு நடவடிக்கைகளை மேற்கொண்டது.
பக்தர்கள் சிரமமின்றி தரிசனம் செய்ய தேவையான அனைத்து அடிப்படை வசதிகளும் செய்யப்பட்டுள்ளதாக கோயில் நிர்வாகம் தெரிவித்துள்ளது.