திருச்சி மத்திய சிறையில் கைதியின் உள்ளாடையில் மறைத்து கொண்டுசெல்லப்பட்ட கஞ்சா – போலீசார் அதிர்ச்சி!

திருச்சி மத்திய சிறைச்சாலையில் போலீசார் கைதிகளை சோதனை செய்தபோது, கள்ளக்குறிச்சி பகுதியைச் சேர்ந்த விக்னேஷ் (24) என்பவர் தனது உள்ளாடையில் கஞ்சா மறைத்து வைத்திருந்தது கண்டுபிடிக்கப்பட்டது.

விக்னேஷ் திருச்சி ரயில்வே நிர்வாகத்தின் சொந்தமான இடத்தில் உள்ள இரும்புகளை திருட முயன்றதாக கைது செய்யப்பட்டு நீதிமன்றத்தில் முறையிடப்பட்டார். நீதிமன்றம் அவரை சிறையில் அடைக்க உத்தரவிட்டதை தொடர்ந்து, போலீசார் அவரை திருச்சி மத்திய சிறையில் அழைத்து சென்றனர்.

அங்கு, வழக்கமான சோதனையின் போது, விக்னேஷின் உடையில் கஞ்சா மறைத்து வைத்திருந்தது கண்டுபிடிக்கப்பட்டது. இதனை தொடர்ந்து சிறை போலீசார் உடனடியாக கே.கே. நகர் காவல் நிலையத்திற்குத் தகவல் அளித்தனர்.

இந்த விவகாரத்தில் போலீசார் விக்னேஷிடம் தொடர்ந்து விசாரணை நடத்தி வருகின்றனர். இந்த சம்பவத்தால், இனி சிறையில் வரும் அனைத்து கைதிகளுக்கும் தீவிர சோதனை மேற்கொள்ளுமாறு அதிகாரிகள் உத்தரவிட்டுள்ளனர்.