சித்தாநத்தம் ஆற்றில் மணல் அள்ளிய இரண்டு பேர் கைது – மத்திய சிறையில் அடைப்பு

திருச்சி மாவட்டம் மணப்பாறை அருகே சித்தாநத்தம் ஆற்றில் சட்டவிரோதமாக மணல் அள்ளிய இரண்டு பேர் காவல் துறையால் கைது செய்யப்பட்டு, நீதிமன்றத்தில் ஆஜர்படுத்தப்பட்டனர். பின்னர், அவர்கள் 27.03.2025 வரை ரிமாண்ட் செய்யப்பட்டு மத்திய சிறையில் அடைக்கப்பட்டனர்.

கைது செய்யப்பட்டவர்கள்:

துரைசாமி (55) – சின்ன ஆலம்பட்டி, திருச்சி மாவட்டம்

முருகன் (50) – கரையாம்பட்டி, திருச்சி மாவட்டம்

இவர்கள் இருவரும் மாட்டு வண்டியில் ஆற்று மணல் அள்ளிச் சென்றதாக காவல் துறையினருக்கு கிடைத்த தகவலின் அடிப்படையில், ஆலம்பட்டி புதூர் NH பாலம் அருகே காவல்துறையினர் சோதனை மேற்கொண்ட போது பிடிபட்டனர்.

பறிமுதல் செய்யப்பட்டவை:

02 மாட்டு வண்டிகள் (தலா 1/4 யூனிட் மணல்)

1/2 யூனிட் ஆற்று மணல்

சம்பவம் தொடர்பாக சித்தாநத்தம் காவல் நிலையத்தில் வழக்கு பதிவு செய்யப்பட்டது. கைதான இருவரும் JM – 02 நீதிமன்றத்தில் ஆஜர்படுத்தப்பட்டு, 27.03.2025 வரை ரிமாண்ட் செய்யப்பட்டனர். பின்னர், அவர்கள் மத்திய சிறையில் அடைக்கப்பட்டனர்.

மேலும் விசாரணை நடைபெற்று வருகிறது.