ராஜ்யசபாவில் ஆம் ஆத்மி எம்பி அசோக் குமார் மிட்டல். பெயர் மாற்றும் நடவடிக்கைகள் தொடரணும்

இந்தியா சுதந்திரம் பெற்றதற்குப் பிறகு, நாட்டின் அடையாளத்தை மீண்டும் பராமரிக்க பல்வேறு மாற்றங்கள் மேற்கொள்ளப்பட்டு வருகின்றன. குறிப்பாக, ஆங்கிலேயர் ஆட்சிக்காலத்தில் நாட்டின் முக்கிய இடங்களுக்கு வைக்கப்பட்ட பெயர்கள் மாற்றப்பட்டு, இந்திய பண்பாட்டு மரபுகளுக்கேற்ப புதிய பெயர்கள் வழங்கப்படுகின்றன.

மத்திய அரசு இதுவரை ராஜ்பாத் என அழைக்கப்பட்ட இடத்திற்குப் பதிலாக “கர்தவ்ய பாத்” (கடமை பாதை) என மறுபெயரிட்டது. அதேபோல், இந்திய தண்டனைச் சட்டம் (IPC) “பாரதிய நியாய சன்ஹிதி” என மாற்றப்பட்டது. இது போன்ற மாற்றங்கள், நாட்டின் அடையாளத்தையும், இந்திய பண்பாட்டு பாரம்பரியத்தையும் முன்வைக்கும் முயற்சிகளாகப் பார்க்கப்படுகின்றன.

ஆனால், இன்னும் பல்வேறு இடங்களில் ஆங்கிலேயர் ஆட்சிக்காலத்தின் அடையாளமாக உள்ள பெயர்கள் மாற்றப்படாமல் உள்ளன. உதாரணமாக, அலகாபாத் பெயர் 2018ல் “பிரயாக்ராஜ்” என மாற்றப்பட்டாலும், அங்கு உள்ள லோக்சபா தொகுதி, உயர்நீதிமன்றம் மற்றும் பல்கலைக்கழகம் இன்னும் “அலகாபாத்” என்ற பெயரிலேயே இயங்குகின்றன. இது போன்ற இடங்களிலும் மாற்றங்கள் மேற்கொள்ளப்பட வேண்டும்.

இந்த மாற்றங்கள் நாட்டின் பழமையான பண்பாட்டை முன்னிறுத்துவதற்கும், அடிமைத்தனத்திற்கான நினைவுகளை நீக்குவதற்கும் அவசியம். எனவே, ஆங்கிலேயர் காலத்தில் வைக்கப்பட்ட அனைத்து பெயர்களையும் இந்திய பாரம்பரியத்திற்கேற்ப மாற்றும் நடவடிக்கைகளை தொடர்ந்து முன்னெடுக்க வேண்டும்.